Охрабринен тумен хем поможинен тумен јекх јекхеа

5:11-14

Секова христијани шај те охрабринел е јаверен. На пример, охрабринаја амаре пхрален хем е пхењен кеда редовно џаја ко состанокија хем ки служба, иако шај сием насвале или иси амен јавера проблемија (1Со 2:2). Освен адава, ако англедер размислинаја со те вакера или ако трудинаја амен те аракха несаве охрабрувачка мисле, шај те утешина амаре пхрален коленге со ваљани охрабрување.

Коте шај те аракхе корисна информацие башо адава сар те охрабрине некас со иси ле несаво проблеми?

Кас би мангеа ко собрание те охрабрине?