„Башо адава размислинен“

О лафија таро Филипјаните 4:8 поттикнинена амен те размислина башо буќа сој чачутне, праведна, чиста, пофална хем шукар. Нормално, акава на значинела кај цело време ваљани те размислина само баши Библија. Сепак, мора те трудина амен амаре мисле те овен ко склад адалеа со мангела о Јехова. На ваљани те мислина ко буќа со ка керен аменге пхаро те ачхова верна е Јеховаске (Пс 19:14).

Нане локхо те цида амендар о нечиста мисле. Освен со боринаја амен амаре несовршено телоја, мора те пазина амен таро Сатана, „о девел акале светоскоро“ (2Ко 4:4). Адалеске со контролиринела о медиумија ко свето, баро дело таро содржине ки телевизија, ко радио, ко интернет, ко новине, ко лила хем ко списанија тане непристојна. Ако на пазинаја солеа пхераја амари годи, амаре мисле ка руминен пе, а адава ко крајо ка влијајнел хем ко амаре постапке (Јк 1:14, 15).

ДИКХ О ВИДЕОКЛИПИ АРАКХ ТУТ ТАРО АДАВА СО ШАЈ ТЕ ЧХИНАВЕЛ ТУТ ТЕ ОВЕ ВЕРНО — ШТЕТНО ЗАБАВА, А ПАЛО АДАВА ОДГОВОРИН КО АКАЛА ПУЧИБА:

• 

  Со дикхела сине о пхрал ко пло мобилно, хем сар адава влијајнѓа упри лесте?

• 

  Сар поможинѓе леске о лафија таро Галатите 6:7, 8 хем таро Псалм 119:37?