Ов одлучно те ачхове верно е Јеховаске

СОСКЕ ТАНО ВАЖНО: Панда хари ка случинен пе страшна буќа кола со ка чхивен ко испит амари храброст хем доверба ко Јехова сар никогаш англедер. И бари неволја ка почминел аѓаар со ка овел уништими и ховавни религија (Мт 24:21; От 17:16, 17). Џикоте трајнела акава пхаро периоди, веројатно ка објавина оштро порака баши осуда (От 16:21). Исто аѓаар ка ова нападиме таро Гог таро Магог (Езе 38:10-12, 14-16). Те шај те заштитинел пле народо, о Јехова ка почминел и „војна со ка овел ко баро диве е Семоќно Девлескоро“ (От 16:14, 16). Ка шај храбро те соочина амен е буќенцар со ка авен само ако панда акана ачховаја верна е Јеховаске кеда иси амен испитија ки вера.

САР ТЕ КЕРА АДАВА:

• Храбро те бранина е Јеховаскере уче морална мерилија хем те живина спрема ленде (Иса 5:20).

• Понадари да те служина е Јеховаске заедно амаре пхраленцар (Ев 10:24, 25).

• Спремно те шуна о водство тари е Јеховаскири организација (Ев 13:17).

• Те размислина сар о Јехова ко пурано време спасинѓа пле народо (2Пе 2:9).

• Те молина амен хем те овел амен доверба ко Јехова (Пс 112:7, 8).

ДИКХ О ВИДЕОКЛИПИ НАСТАНИЈА СО КА ОВЕН КОЛЕНГЕ СО КА ВАЉАНЕЛ АМЕНГЕ ХРАБРОСТ — ИЗВАДОК, А ПАЛО АДАВА ОДГОВОРИН КО АКАЛА ПУЧИБА:

• 

  Сар сине чхивди ко испит е објавителенгири послушност кеда ленгоро собрание спојнѓа пе е јавере собраниенцар?

• 

  Сар тане поврзиме и храброст хем и послушност?

• 

  Соске ка ваљанел аменге храброст кеда ка авел о Армагедон?

• 

  Кова библиско извештај шај те керел позорали амари вера кај е Јехова иси ле моќ те спасинел амен? (2Ле 20:1-24).