Фалин е Јехова адалеа со ка служине сар пионери

Е Израелцон сине лен бут причине те фалинен е Јехова. Ов спасинѓа лен таро египетско ропство хем тари војска е фараонескири (2Мо 15:1, 2). О Јехова авдиве да грижинела пе пле народоске. Сар шај те сикава леске амари благодарност? (Пс 116:12).

Јекх начин тано аѓаар со ка служина сар помошна или општа пионерија. Шај те молине е Јехова те дел тут и желба хем и сила те служине сар пионери (Фп 2:13). Бут џене прво почминена е помошно пионерско службаја. Ко масекија март хем април хем ко масек кеда о покраинско надгледнико посетинела тумаро собрание шај те ове помошно пионери или 30 или 50 саатенцар. Откеда ка осетине о бахталипе со анела и помошно пионерско служба шај ка манге те почмине е општо пионерско службаја. Чак несаве со керена целосно работно време бути или иси лен проблемија састипаја успејнена те овен општа пионерија (mwb16.07 8). Чаче врединела те трудина амен те фалина е Јехова соске ов заслужинела адава! (1Ле 16:25).

ДИКХ О ВИДЕОКЛИПИ ТРИН ПХЕЊА ТАРИ МОНГОЛИЈА, А ПАЛО АДАВА ОДГОВОРИН КО АКАЛА ПУЧИБА:

• 

  Те шај те овен пионерија саве пхарипаја мора сине те икљовен ко крајо о трин пхења?

• 

  Саве берекетија сине лен?

• 

  Саве јавера прилике ки служба башо Јехова сине лен адалеске со сине општа пионерија?

• 

  Сар ленгоро пример влијајнѓа упро јавера?