Ма ширин ховајба

Авдиве, јекх информација шај бут сигате те ресел џи ко милиоња мануша ко разна начинија. Амен служинаја е Јеховаске, „о Девел е чачипаскоро“, адалеске на мангаја те ширина информацие кола со нане точна хем пазинаја те на кера адава чак ненамерно (Пс 31:5; 2Мо 23:1). О ховајбе кова сој пренесимо е јаверенге шај те анел бари штета. Те шај те проценине дали несави информација тани чаче, пуч тут:

• Дали авела таро доверливо извор? Адава со вакерела и информација, шај ни на џанела са о фактија. Кеда о мануша пренесинена јекх информација таро мануш ко мануш, иси баре шансе те овел меними. Адалеске, пазин ако на џанеа котар авела адаја информација. Окола со иси лен одговорна задаче ко собрание посебно ваљани те пазинен те на вакерен информацие кола со нане провериме, соске о пхраља хем о пхења иси лен доверба ко адава со шунена лендар.

• Дали адале информацијаја каљарела пе некаскоро анав? Ако каљарела пе некаскоро анав или мукхела пе лошно впечаток баши несави група мануша, тегани најшукар тано те на ширина асавки информација (Из 18:8; Фп 4:8).

• Дали адаја информација звучинела невозможно? Ов внимателно кеда шунеа возбудлива или бут интересна парамиса хем искуствија.

ДИКХ О ВИДЕОКЛИПИ САР ТЕ ЧХИНАВАВ О ОГОВОРИБЕ? А ПАЛО АДАВА ОДГОВОРИН КО АКАЛА ПУЧИБА:

• 

  Спрема Изреки 12:18, сави штета шај те керен о лафија?

• 

  Сар адава со пишинела ко Филипјаните 2:4 поможинела аменге те проценина со ка кера лафи башо јавера?

• 

  Со ваљани те кера кеда некој ка почминел те керел саркастично или негативно лафи башо јавера?

• 

  Англедер те почмина те кера лафи башо јавера, кола пучиба ваљани те пуча амен?