ТЕ ЖИВИНА САР ХРИСТИЈАЊА
Тернален, дали о Јехова тано тумаро најшукар амал?
Кола особине би мангеа те овел некас кеда биринеа те овел тло амал? Веројатно мангеа те овел верно, обѕирно хем дарежливо. Е Јехова иси ле са акала особине (2Мо 34:6; Де 14:17). Ов шунела тут кеда молинеа тут леске. Ов пружинела туке пло вас кеда ваљани туке помош (Пс 18:19, 35). Ов простинела туке кеда грешинеа (1Јо 1:9). О Јехова чаче тано о најшукар амал!
Сар шај те ове е Јеховаскоро амал? Запознајн ле пошукар аѓаар со ка читине лескоро лафи. Кер леа лафи башо тле најхор мисле хем чувствија (Пс 62:8; 142:2). Сикав е Јеховаске кај важна туке о буќа сој тане леске важна — лескоро Чхаво, лескоро Царство хем лескере ветувања со денѓа лен баши иднина. Кер е јаверенцар лафи башо Јехова (5Мо 32:3). Ако овеа са попаше е Јеховаја, ов ка овел тло амал засекогаш (Пс 73:25, 26, 28).
ДИКХ О ВИДЕОКЛИПИ ТЕРНАЛЕН, „ПРОБИНЕН ХЕМ ДИКХЕН КОБОР ТАНО ШУКАР О ЈЕХОВА“, А ПАЛО АДАВА ОДГОВОРИН КО АКАЛА ПУЧИБА:
Со шај те поможинел туке те де лафи е Јеховаске кај ка служине леске хем те крстине тут?
Сар о јавера таро собрание шај те поможинен тут те служине е Јеховаске?
Сар о проповедибе поможинела туке те ове попаше е Јеховаја?
Тло амалипе е Јеховаја шај те ачховел засекогаш!
Саве задаче шај те кере ки служба башо Јехова?
Со ценинеа ко Јехова?