Понадари да користин о списанија

Таро 2018 берш, секова број таро амаре списанија баши јавност иси ле само јекх тема. Са акала списанија тане дело таро амаре главна публикацие службаке хем адалеске шај те користина лен ки служба. Исто аѓаар, шај те ла аменцар некобор списанија џикоте патујнаја или џаја те кина нешто. О списанија нане керде те проучина и Библија е манушенцар, ама шај те бајрарен некаскоро интерес башо духовна буќа.

Откеда ка почмине разговор, споделин јекх библиско стихо хем јекх тема таро списание со шај ка интересинел е мануше. На пример, ако тано родители, или ако иси ле неволје или стрес, шај те вакере: „Читинѓум јекх шукар статија баши акаја тема. Шај ли те сикавав туке?“ Ако дикхеа кај е мануше иси ле интерес, шај те де ле печатимо списание или те бичхаве леске електронски, чак ко прво разговор. Иако нане амари главно цел те да литература, сепак адава поможинела аменге те аракха околен со мангена те постапинен ко склад адалеа со сикљовена (Де 13:48).

2018

2019

2020