О укор — израз башо е Јеховаскоро мангипе

О укор обучинела амен хем сикавела амен, ама исто аѓаар вклучинела хем казнибе. О Јехова укоринела амен те шај те служина леске ко начин сој леске прифатливо (Ри 12:1; Ев 12:10, 11). Понекогаш о укор шај те дукхал, ама шај те поможинел тут те живине праведно хем анела туке берекетија (Из 10:7). Со на ваљани те бистрен окола со дена хем окола со приминена укор?

Окова со дела. О старешине, о родителија хем са о јавера, трудинена пе те ден укор ко љубезно начин хем мангипаја, исто сар о Јехова (Ере 46:28). Чак јекх строго укор ваљани те овел дендо спрема о потребе хем те овел поттикнимо таро мангипе (Тит 1:13).

Окова со приминела. Бизи разлика ко саво начин тано дендо о укор, на ваљани те отфрлина ле, наместо адава ваљани те трудина амен те применина ле одма (Из 3:11, 12). Сар несовршена мануша, сариненге ваљани укор, хем адава шај те добина ле ко различна начинија. Сар на пример, кеда читинаја и Библија или кеда шунаја нешто ко амаре собраниска состанокија. Или понекогаш несаво укор ка ваљани аменге таро правно одбор. Ако прифатинаја о укор хем применинаја адава, ка овел амен бут пошукар живото хем ка живина засекогаш (Из 10:17).

ДИКХ О ВИДЕОКЛИПИ „КАС МАНГЕЛА О ЈЕХОВА, ЛЕ УКОРИНЕЛА“, А ПАЛО АДАВА ОДГОВОРИН КО АКАЛА ПУЧИБА:

• 

  Сар почминѓа е Канонескоро живото хем сар менинѓа пе?

• 

  Саво љубезно укор добинѓа таро Јехова?

• 

  Со шај те сикљова таро лескоро искуство?