Сикав мангипе ки фамилија

О мангипе тано о лепако кова со спојнела е фамилија. Бизо мангипе е фамилиенге ка овел пхаро те ачховен заедно хем те соработинен јекх јекхеа. Сар шај о рома, о ромња хем о родителија те сикавен мангипе ки фамилија?

Јекх љубезно ром ка лел ко предвид пле ромњакере потребе, о начин сар дикхела ко буќа хем сар осетинела пе (Еф 5:28, 29). Ов ка грижинел пе башо пле фамилијакере материјална потребе хем ка поможинел лаке те овел попаше е Јеховаја. Исто аѓаар, редовно ка икерел и Фамилијарно рат (1Ти 5:8). Јекх љубезно ромни ка овел подложно пле ромеске хем ка сикавел леске „хор поштовање“ (Еф 5:22, 33; 1Пе 3:1-6). О солдуј ваљани те овен спремна те простинен јекх јекхеске (Еф 4:32). О љубезна родителија сикавена лично интерес секоле јекхе чхавеске хем сикавена лен те манген е Јехова (5Мо 6:6, 7; Еф 6:4). Саве предизвиконцар соочинена пе ленгере чхаве ки школа? Дали иси лен притисок таро врсникија? Кеда иси мангипе ки фамилија сарине ка осетинен пе сигурно.

ДИКХ О ВИДЕОКЛИПИ СЕКОГАШ СИКАВ МАНГИПЕ КИ ТЛИ ФАМИЛИЈА, А ПАЛО АДАВА ОДГОВОРИН КО АКАЛА ПУЧИБА:

• 

  Сар јекх љубезно ром сикавела кај грижинела пе пле ромњаке хем кај ценинела ла?

• 

  Сар јекх љубезно ромни сикавела кај хор поштујнела пле роме?

• 

  Сар шај о љубезна родителија те садинен ко пумаре чхавенгоро вило о поуке таро е Девлескоро Лафи?