ТЕ ЖИВИНА САР ХРИСТИЈАЊА
Користин ки служба и публикација Ов бахтало засекогаш
Бут сием бахтале со иси амен и неви брошура хем о нево лил те шај те водина библиска курсија! Молинаја амен е Јеховаске те наградинел амаро трудо те кера повише ученикија (Мт 28:18-20; 1Ко 3:6-9). Сар те користина о неве публикацие?
Адалеске со и неви публикација Ов бахтало засекогаш, иси ла нево начин сикајбаске, следин о основна упатствија џикоте спреминеа тут хем џикоте водинеа библиско курси.a
Читинен о материјали хем дискутиринен башо пучиба
Читинен о стихија коте со пишинела „читин“, хем поможин е интересентеске те применинел лен
Мукх о видеоклипија хем дискутиринен баши ленде аѓаар со ка користине о пучиба сој денде
Трудин ту те накхаве цело лекција таро јекх пути
Ки служба, прво нудин и брошура те шај те дикхе дали е мануше иси ле интерес. (Дикх и рамка „Сар те нудине и брошура Ов бахтало засекогаш кеда кереа лафи некасаја прво пути“.) Ако завршинѓан е интересентеа и брошура хем ов мангела те продолжинел те проучинел, тегани нудин леске о лил хем почминен тари лекција 04. Ако некасаја више проучинеа о лил Со сикавела амен или Ачхов ко е Девлескоро мангипе, префрлин тут ко лил Ов бахтало засекогаш, хем одлучин котар ка почминен.
ДИКХ О ВИДЕОКЛИПИ ШУКАР АЉАН КО ТЛО БИБЛИСКО КУРСИ, А ПАЛО АДАВА ОДГОВОРИН КО АКАЛА ПУЧИБА:
Со ка сикљовен о интересентија таро нево лил?
Соске ваљани те сикаве акава видеоклипи е неве интересентенге?
Кола целија шај те охрабрине е интересенте те чхивел песке хем те исполнинел лен? (Дикх и табела „Тема хем целија башо секова дело”.)
a Забелешка: Иако џикоте проучинена шај ту те одлучине дали ка керен лафи башо дело „Истражин“, одвојн туке време те читине или те дикхе секоја точка џикоте спреминеа тут. Пало адава ка џане со точно шај ка поможинел е интересентеске. Ко електронско издание иси линкија башо видеоклипија хем башо додатно материјали.
Тема хем целија башо секова дело |
|||
|---|---|---|---|
ЛЕКЦИЕ |
ТЕМА |
ЦЕЛИЈА Е ИНТЕРЕСЕНТЕСКЕ |
|
01-12 |
Дикх сар и Библија шај те поможинел туке хем сар шај пошукар те пенџаре лакере Авторе |
Охрабрин е интересенте те читинел и Библија, те спреминел пе башо курси хем те почминел те овел присутно ко состанокија |
|
13-33 |
Дикх со керѓа о Девел баши аменде хем сар мангела ов те служина леске |
Поттикнин е интересенте те керел лафи е јаверенцар башо чачипе хем те овел објавители |
|
34-47 |
Размислин со очекујнела о Девел таро пле слуге |
Поттикнин е интересенте те дел лафи е Јеховаске кај ка служинел леске хем те крстинел пе |
|
48-60 |
Сикљов сар те ачхове ко е Девлескоро мангипе |
Поможин е интересентеске те разликујнел сој исправно, а сој погрешно хем духовно те напредујнел |
|