ДЕ ТУТАР СА КИ СЛУЖБА | ОВ ПОБАХТАЛО КИ СЛУЖБА
Поможин тле интересентенге те сикљон те проучинен
Те шај о интересентија те задоволинен пле духовна потребе хем те овен зрела христијања, нане доволно те сикљовен само о чачипа кола со амен сикаваја лен (Мт 5:3; Ев 5:12 — 6:2). Бут тано важно ола коркори те проучинен.
Кеда почминеа те проучине некасаја, сикав леске сар те спреминел пе башо библиско курси хем охрабрин ле те керел адава (mwb18.03 6). Поттикнин ле те молинел пе англедер те почминел те проучинел. Сикав леске сар те користинел о електронска алатке башо проучибе. Објаснин леске сар шај те аракхел о најневе буќа со икљовена ки jw.org хем ко JW Broadcasting®. Поттикнин ле те читинел и Библија секова диве, сикав ле сар те спреминел пе башо состанокија хем сар те истражинел те шај те аракхел одговор ко пле пучиба. Поможин леске те размислинел башо адава со сикљовела.
ДИКХ О КЛИПИ ПОМОЖИН ТЛЕ ИНТЕРЕСЕНТЕНГЕ... ТЕ СИКЉОН ТЕ ПРОУЧИНЕН, А ПАЛО АДАВА ОДГОВОРИН КО АКАЛА ПУЧИБА:
Сар и Нита поможинѓа е Џејдаке те хаљовел кај о проучибе тано бут повише него само те аракхен пе о одговорија?
Со поможинѓа е Џејдаке те уверинел пе кај е Јехова иси ле шукар причина соске забранинела о сексуално неморал?
Поможин тле интересентенге те сикљовен сар те проучинен хем те керен адава со сикљовена
Со халили и Џејд башо хор размислибе?