Аракх мудрост башо секојдневно живото ки JW.ORG

Е Девлескоро Лафи дела амен са сој аменге потребно те шај те икљова ко крајо е испитенцар со иси амен ко акала пхаре последна диве (2Ти 3:1, 16, 17). Сепак, понекогаш ваљани аменге помош те аракха несаво библиско начело баши несави посебно ситуација. На пример, дали сар родители родеа совет те воспитине те чхаве? Дали сар тинејџери иси тут предизвикија баши тли вера? Дали жалинеа со муло тутар некој таро тле паше? Шај те аракхе информацие ки jw.org кола со ка сикавен туке несаве библиска начелија со ка поможинен туке ко асавке или ко јавера ситуацие (Из 2:3-6).

Ки амари интернет-страница jw.org, џа ко дело БИБЛИСКА СИКЉОЈБА. (Дикх и слика 1.) Тари адаја листа бирин и категорија која со мангеа. Или, џа ки БИБЛИОТЕКА > РУБРИКЕ хем бирин која тема мангеа. (Дикх и слика 2.) Иста категорие шај те аракхе ки JW Library^®.a Ка шај те уживине ко акала статие ако пхравеа лен ки амари интернет-страница или ки амари апликација. Јавер начин те роде несави посебно тема тани ако џаја ко дело Роде ки jw.org.

Пишин акала теме ко дело Роде, хем забележин туке о статие кола со мангеа те читине лен.

• Воспитибе чхаве

• Помош е тинејџеренге

• Живото хем мерибе