О брако — врска со трајнела цело живото

О успешно христијанско брако анела фалба е Јеховаске хем бахталипе е ромеске хем е ромњаке (Мр 10:9). Те шај те овел лен цврсто хем бахтало брако, о христијања мора те применинен о библиска начелија кеда биринена брачно партнери.

Нане шукар те почминел пе врска ко периоди кеда о сексуална желбе тане бут силна, соске адала желбе шај те влијајнен ко тле одлуке (1Ко 7:36). Користин мудро о време џикоте сиан коркори те бајраре тло амалипе е Јеховаја хем те развине о христијанска особине. Ако кереа акава, ка шај те кере тло брако да те овел поуспешно.

Англедер те кхуве некасаја ко брако, ле туке доволно време шукар те запознајне е јавере (1Пе 3:4). Ако сериозно сумнинеа тут башо нешто, тегани кер лафи леа или лаја. Ко брако ваљани поважно те овел туке адава со ту шај те де, а на адава со ка добине (Фп 2:3, 4). Ако икереа тут ко библиска начелија, ка поставине туке шукар темели башо јекх бахтало брако.

ДИКХ О КЛИПИ СПРЕМИН ТУТ БАШО БРАКО (ТРИТО ДЕЛО): РАЧУНИН О ТРОШАКО, А ПАЛО АДАВА ОДГОВОРИН КО АКАЛА ПУЧИБА:

• Сар напредујнела сине е пхењакири врска е Шејнеја?

• Со приметинѓа кеда пошукар запознајнѓа ле?

• Сар лакере родителија поможинѓе лаке, хем која мудро одлука ој анѓа?