ТЕ ЖИВИНА САР ХРИСТИЈАЊА
Панда акана спремин тут башо итно медицинско случај
Соске те спремине тут? Шај изненадено те авел џи ко итно медицинско случај или те ачхове ки болница. Адалеске англедер те овел несаво итно случај, спремин тут те шај те добине и најшукар медицинско нега. Аѓаар сикавеа кај поштујнеа о живото хем е Јеховаскоро закони башо рат (Де 15:28, 29).
Со шај те кере?
Молин тут хем внимателно пхер и картичка Трајно полномоштво за здравствена грижа (ТП).a О крстиме објавителија шај те лен таро пхрал сој ки литература и ТП картичка песке, а исто аѓаар и картичка Легитимација (ic) пумаре малолетна чхавенге
Ако сиан кхамни, роде таро старешине те ден тут о формулари Информации за идни мајки (S-401). Акава формулари шај те поможинел туке те ане шукар одлуке ко несаве медицинска ситуацие со шај те појавинен пе џикоте сиан кхамни или ко бијанибе
Ако ваљани туке медицинско третмани или ваљани те ачхове ки болница, вакер англедер адава е старешиненге хем вакер е докторенге ки болница кај мангеа те посетинел тут претставнико таро е Јеховаскере сведокија
Сар шај те поможинен о старешине? Ола шај те поможинен туке те пхере и ТП картичка. Ама, о старешине нане те анен одлуке туке ко тхан или те вакерен пло лично мислење башо буќа со ваљани ту коркори те одлучине (Ри 14:12; Га 6:5). Ако вакереа е старешиненге кај ваљани туке медицинско третмани коте со шај ка ваљани рат, ола сигате ка контактиринен о Одбор башо контакт машкар о докторија хем о пациентија (Одбор башо контакт).
Сар шај те поможинел о Одбор башо контакт? О пхраља со служинена ко акава Одбор обучиме тане те поможинен е докторенге хем е правниконге те хаљовен амаро стави башо рат. Ола шај те керен лафи е докторенцар башо медицинска третманија коте со на приминела пе рат. Ако ваљани, ола шај те поможинен туке те аракхе доктори со ка прифатинел тло стави башо рат.
ДИКХ О КЛИПИ САР ТЕ АНЕЛ ПЕ МУДРА ОДЛУКЕ БАШО РАТ, А ПАЛО АДАВА ОДГОВОРИН КО АКАВА ПУЧИБЕ:
Сар шај акава видеоклипи те поможинел туке те ове спремно башо итно медицинско случај коте сој вклучимо о рат?
a И лекција 39 таро лил Ов бахтало засекогаш шај те поможинел туке те ане одлуке ко ситуацие коте сој вклучимо о рат.