Користин и почетно страна тари JW.ORG ки служба

Ки почетно страна тари JW.ORG иси статие хем видеоклипија сој тане керде те овен интересна е искрено манушенге со нане Сведокија (Ап 13:48). Бут пути иси теме кола сој вакерде ко вестија или башо кола со о мануша размислинена хем керена лафи.

Сар шај те користине и почетно страна тари JW.ORG ки служба?

• Редовно проверин и интернет-страница. Дикх кола статие ко моменти аракхљона ко дело „Амаро предлог“, хем размислин сар шај те користине лен те шај те поможине некаске сој заинтересиримо. (Те шај те дикхе кола статие хем видеоклипија сигенде сине ки почетно страна, мечин ко „Дикх повише“.) Адава со ка џане саве тане о најневе информацие ки интернет-страница ка поможинел туке те овен тут неве идее баши служба.

• Користин о статие хем о видеоклипија сој тане ки почетно страна те шај те почмине разговор. Ола шај те ден амен идеја башо со веројатно размислинена о мануша ко амаро подрачје.

• Сикав е манушенге и почетно страна. Истакнин несаве конкретна теме хем сикав е станареске сар те родел ки страна.

• Бичхал линк. Несаве мануша на мангена те керен лично аменцар лафи, ама мангена те пхравен амари интернет-страница. Адалеске слободно бичхал линк тари почетно страна несаве манушеске сој заинтересиримо, несави статија или видеоклипи.