Искуство

Сочувство спрема са о мануша

Јекх диве јекх пхен таро Нов Зеланд дикхља јекх видеоклипи ки амари интернет-страница jw.org коте со керела пе лафи кај на само со е Јехова иси ле сочувство него хем сикавела сочувство (Иса. 63:7-9). Ој одлучинѓа те применинел адава со сиклили аѓаар со практично поможинѓа некаске. О исто диве покасно, џикоте пазаринела сине, дикхља јекхе џувља кола со на сине ла кај те живинел хем нудинѓа лаке те кинел лаке нешто хајбаске. И џувли прифатинѓа. Кеда и пхен иранѓа пе е хајбаја кратко сведочинѓа лаке е трактатеа Ка авел ли крајо е мукенге?

И џувли почминѓа те ровел. Ој објаснинѓа е пхењаке кај барили ки фамилија сој е Јеховаскере сведокија, ама кај англедер бут берша чхинавѓа те живинел спрема о чачипе. Сепак, сигенде почминѓа те молинел е Јехова те поможинел лаке те иранел пе. И пхен денѓа ла Библија хем договоринѓа пе те проучинел лаја.a

Амен шај те џа пало е Јеховаскоро пример аѓаар со ка сикава сочувство е манушенге, машкар коленде сој амари фамилија хем о пхраља ко собрание. Исто аѓаар, шај те сикава сочувство ако родаја прилике те сведочина е јаверенге.