Аракх духовна бисерија со шај те применине лен

Џикоте читинаја и Библија, шај те рода духовна бисерија аѓаар со ка истражина. Ама, сар шај те овел амен побари корист таро духовна бисерија со ка аракха лен?

Внимателно дикх о деталија таро библиска извештаија. На пример, истражин кој пишинѓа адава дело тари Библија, каске пишинѓа ле хем кеда. Саве сине о околностија со уло англедер адава хем со уло пало адава?

Размислин саве поуке шај те сикљове аѓаар со ка истражине те шај те добине о одговор башо пучиба сар сој: „Сар осетинѓе пе о мануша коленге со читинеа? Саве особине сикавѓе? Соске ме да ваљани те сикавав асавке особине, или палем соске ваљани те пазинав ма те овен ман асавке особине?“

Применин адава со сиклиљан ки служба или ко начин сар понашинеа тут е јаверенцар. Аѓаар ка сикаве кај сиан мудро баш сар со пишинела ки Библија: „Окола сој мудра ка размислинен башо са адава“ (Пс. 107:43).

• Предлог: Приметин сар о материјали таро состанок Амаро живото хем служба ко дело Барвалипа таро е Девлескоро Лафи поможинела амен те размислина сар шај те применина адава со сикљоваја. Ко акава дело секогаш иси пучиба кола со шај те пуча амен коркори, иси мисле баши кола со шај те размислина хем слике кола со шај те анализирина лен.