Трудин тут те сикљове неве буќа џикоте проучинеа

Џикоте спреминаја амен те проучина, шај те пуча амен: „Со очекујнава те сикљовав?“ Ама, ваљани те пазина те на дозволина амаре очекувања те керен те на дикха адава со о Јехова мангела те сикавел амен. Сар шај те џана со мангела о Јехова те сикавел амен?

Молин тут баши мудрост. Молин е Јехова те поможинел тут те хаљове со мангела те сикљове акана (Јак. 1:5). Ма ов задоволно само адалеа со више џанеа (Изр. 3:5, 6).

Мукх и Библија те влијајнел упри туте. „Е Девлескоро лафи тано џивдо“ (Евр. 4:12). Адалеске, секова пути кеда читинаја и Библија шај те сикљова нешто нево хем ој шај те поможинел аменге ко различна начинија. Ама, акава шај те случинел пе само ако хаљоваја кај иси буќа со на џанаја лен хем кај шај те сикљова лен таро е Девлескоро Лафи.

Ов благодарно башо са со добинеа тари е Јеховаскири софра. О духовно хајбе со дела амен о Јехова тано сар „гозба таро најшукар хајба“ (Иса. 25:6). Пробин те ха чак таро „хајбе“ кова со мислинеа кај нане те свиџинел пе туке. Адалеа ка дозволине е Девлеске те поможинел туке те ове пошукар мануш хем ка уживине џикоте проучинеа!