Е Јеховаскере верна слуге икерена пе ко пумаре заветија

Читин Судиите 11:30-40 те шај те дознајне таро извештај башо Јефтај хем лескири чхај кобор тано важно те икера амен ко амаре заветија.

Дознајн повише таро контекст. Сар дикхена сине о верна Израелција ко заветија со дена лен сине е Јеховаске? (4. Мој. 30:2). Сар о Јефтај хем лескири чхај сикавѓе кај иси лен вера ко Јехова? (Суд. 11:9-11, 19-24, 36).

Истражин о деталија. Со сине веројатно е Јефтае ки годи кеда денѓа пло завет? (w16.04-MC 7, пас. 12). Саве жртве керѓе о Јефтај хем лескири чхај те шај те икерен пе ко завет? (w16.04-MC 7-8, пас. 14-16). Саве заветија шај те ден о христијања авдиве? (w17.04 6-9, пас. 10-19).

Размислин кола тане о поуке. Пуч тут:

• „Со ка поможинел манге те икерав ман ко завет со денѓум ле е Јеховаске кај ка служинав леске засекогаш?“ (w20.03 13, пас. 20)

• „Саве жртве шај те керав те шај те служинав е Јеховаске ки панда побари мера?“

• „Со ка поможинел манге секогаш верно те икерав ман ко завет со денѓум ле мле брачно партнереске?“ (Мат. 19:5, 6; Еф. 5:28-33)