Користин и Библија сар ајна

О ученико о Јаков спорединела и Библија ајнаја која со поможинела амен те дикха саве сием андрал (Јак. 1:22-25). Сар шај те користина и Библија сар ајна ко исправно начин?

Читин внимателно. Ако само сигате дикхаја амен ки ајна, шај те на приметина несави бари флека. Слично, ако само сигате читинаја и Библија, нане те приметина саве промене ваљани те кера ки амари андруни личност. Адалеске, ваљани внимателно те читина и Библија.

Концентририн тут ко адава со ваљани ту те менине, а на о јавера. Ако иранаја и ајна хари ки страна, тегани ка шај те дикха е јаверенгере маане. Слично, шај те користина и Библија те шај те открина е јаверенгере слабостија. Ама, адава нане те поможинел амен те поправина амаре слабостија.

Ов разумно. Ако дикхаја амен ки ајна хем цело време дикхаја адава со на свиџинела пе аменге, шај те обесхрабрина амен. Ваљани те ова разумна џикоте читинаја е Девлескоро Лафи хем те на очекујна амендар повише таро адава со очекујнела о Јехова (Јак. 3:17).