Спремин тло вило

Кеда проучинаја и Библија, мангаја е Јеховаскере мисле те ресен џи ко амаро вило, јавере лафенцар те влијајнен упро амаре мисле, чувствија хем желбе. О Езра денѓа амен шукар пример башо акава аѓаар со „[спреминѓа] пло вило те истражинел е Јеховаскоро закони“ (Езра 7:10). Сар шај амен да те спремина амаро вило?

Молин тут. Англедер те почмине те проучине, молин тут. Молин е Јехова те поможинел туке те хаљове хем те применине адава со сикљовеа (Пс. 119:18, 34).

Ов понизно. О Девел на откринела о чачипе околенге сој горда хем со мислинена кај на ваљани ленге помош те шај те хаљовен и Библија (Лука 10:21). Ма проучин и Библија само те шај те сикаве е јаверенге кобор бут џанеа. Понизно менин тло размислување ако нане ко склад е Девлескере размислибаја.

Шун теократска гиља. И музика шај бут те влијајнел упро амаре чувствија. Адалеске, ако шунаја несави таро амаре гиља англедер те проучина, адава шај те поможинел аменге те спремина амаро вило.