Е тернен иси лен са повише психичка проблемија — Со вакерела и Библија?

Понеделник, 13 февруари 2023 берш, о центар баши контрола хем превенција башо насвалипа ки Америка, објавинѓа о извештај башо психичко састипе е тинејџеренгоро ки Америка. Ки лесте сине вакердо кај 40 процентија таро терне со џана ки средно школа осетинена пе тажно побаро периоди хем нане лен нисави надеж.

И директорка башо е терненгоро састипе, д-р Кетлин Етиер, вакерѓа: „Иако ко последна 10 берш е терненгоро психичко састипе уло бут лошно, акана уло панда полошно таро адава. Бут тинејџерке размислинена, планиринена или пробинена те мударен пе“.

Ко адава извештај пишинела:

Јекх таро деш чхаја (14 процентија) пхенена кај сине чхивде силаја те овел лен сексуална односија. И докторка Етиер вакерела: „Акава керела чаче те секирина амен. Таро 10 тинејџерке со пенџареа лен, најхари јекх, а шај хем повише, сине силујми“.
Секоја трито тинејџерка (30 процентија) сериозно размислинѓа те мударел пе.
Трин таро панџ тинејџерке (57 процентија) осетинѓе пе бут тажна хем нане лен нисави надеж.

Акава извештај сикавела кобор тано пхаро е терненге. О тернипе ваљани те овел периоди колесте со ола ка уживинен хем ка осетинен пе радосна. Со шај те поможинел е терненге авдиве кеда иси лен асавке чувствија? Со вакерела и Библија?

И Библија шај те поможинел е терненге

И Библија вакерела кај авдиве живинаја ко „бут пхаро време“ (2. Тимотеј 3:1-5). Ама, исто аѓаар, ки лате иси бут мудра советија кола со поможинена е терненге ко цело свето те боринен пе пумаре негативна чувствонцар. Ко статие сој потеле, шај те аракхен несаве таро адава советија.

Помош е терненге со мангена те мударен пе

Помош е терненге со иси лен депресија, негативна чувствија или осетинена пе тажна

Помош е терненге сој малтретириме

Што да правам ако ме малтретираат?
Што ако ме малтретираат на Интернет?
Победин е силеџиен бизо те маре ту (поучно анимациа)

Помош е терненге сој тане сексуално вознемириме

И Библија исто аѓаар дела практична советија е родителенге

Ки Библија о родителија шај те аракхен шукар советија кола со ка користинен ленге те шај те поможинен пумаре чхавенге кеда иси лен несаве проблемија. Дикх некобор статие со темелинена пе ки Библија.