Сар грижинела пе о Девел околенге сој глувонема?
Авдиве, иси околу 70 милиоња глувонема мануша ко цело свето, хем иси повише таро 200 знаковна чхибја. Жално тано адава со бут пути о јавера понашинена пе лошно ленцар, сар со шај те дикха таро следна информацие:
„Ко цело свето, на поштујнена пе о правија околенгере сој глувонема хем околенгере со на шунена шукар“ National Association of the Deaf (U.S .). (Национален сојуз на глуви и наглуви).
„Ко почороле тхана, о глувонема тане машкар о најчороле ко свето хем пхаро ленге те добинен шукар образование, бути хем информацие“ (Светска федерација на глувите).
Сар дикхела о Девел ко глувонема? Со вакерела и Библија башо глувонема? Хем сар е Јеховаскере сведокија поможинена ленге авдиве?
Сар дикхела о Девел ко глувонема?
И Библија откринела аменге кај о Јеховаa о Девел грижинела пе башо глувонема. Ов мангела ола те овен поштујме хем те овел лен корист таро образование со дела ле.
Стихо: „Ма де арман е кашукеске“ (3. Мојсеева 19:14).
Со значинела: Е Јеховаскоро закони со денѓа ле е Израелцонге ко пурано време, заштитинела сине о правија околенгере со сине глувонема.
Стихо: „О Девел нане пристрасно“ (Апостолија 10:34).
Со значинела: Е Јеховаске тане важна са о мануша, бизи разлика тари сави нација тане, котар авена хем сави чхиб керена лафи, машкар коленде сој о глувонема.
Стихо: „О Исус почминѓа те џал... те проповединел о шукар хабери башо Царство“ (Матеј 9:35).
Со значинела: О Исус ало ки пхув те шај те сикавел е манушен башо е Девлескоро Царство хем со ка керел адава Царство башо са о мануша, машкар коленде сој о глувонема (Матеј 6:10).
Стихо: О Исус керѓа чак „о кашуке те шунен, а о лалоре те керен лафи“ (Марко 7:37).
Со значинела: О Исус сикавѓа саве буќа ка керел е Девлескоро Царство кеда о кашуке ка шунен, а о лалоре ка керен лафи. Ки акаја прилика, о Исус љубезно користинѓа гестија те шај те комунициринел јекхе кашуке манушеа англедер те сасљарел ле (Марко 7:31-35).
Стихо: „О кана е кашукенгере ка шунен“ (Исаија 35:5).
Со значинела: О Јехова пророкујнѓа кај о кашуке ка шунен (Исаија 29:18).
Сар авдиве е Јеховаскере сведокија поможинена околенге сој глувонема?
Е Јеховаскере сведокија ко цело свето сведочинена околенге сој глувонема башо е Девлескоро хабери со дела надеж. Сар кераја акава? Амен печатинаја Библие хем кераја библиска видеоклипија проучибаске ко повише таро 100 знаковна чхибја. Исто аѓаар, нудинаја библиска курсија хем икераја состанокија ки знаковно чхиб. Са акава кераја ле бизо паре, секаске со мангела е Девлескири помош. Соске? Адалеске со о Исус заповединѓа: „Добинѓен бизо паре, бизо паре ден“ (Матеј 10:8).
Акава материјали шај те аракхе ле ко интернет или те пераве ле тари:
JW.ORG. Џа ки копча башо чхибја со аракхљола упре те шај те аракхе информацие ки несави знаковно чхиб.
И апликација JW Library Sign Language. Перав акаја бесплатно апликација ко тло уред хем ка шај те дикхе или те пераве видеоклипија ки знаковно чхиб.
Кола библиска публикацие иси амен?
И Библија ки знаковно чхиб. И Библија — превод Нево свето ки американско знаковно чхиб, сине и прво Библија ко свето со сине цело. И Библија — превод Нево свето акана тани достапно цело или делија латар ко бут знаковна чхибја хем секова берш додајнена пе неве чхибја ки адаја чхиб. (Те шај те дикхе ко кобор чхибја тани достапно или те дикхе и Библија ко интернет, дикх и рамка „И Библија — превод Нево свето ки знаковно чхиб“.)
Дикх о видеоклипи Целокупан библијски превод Нови свет на америчком знаковном језику хем дознајн со кераја те шај те овел и Библија ки знаковно чхиб.
Те шај те овел тут побари корист таро читибе и Библија, перав и апликација JW Library Sign Language. Акаја апликација ка поможинел туке те бирине посебна стихија ки знаковно чхиб тари Библија.
О Дмитро хем и Вита тане глувонема родителија. А ленгере чхаве шунена. Дикх сар користинела ленге адава со дикхена и Библија ки знаковно чхиб секова диве.
Видеоклипија со сикавена баши Библија. Е Јеховаскере сведокија керѓе видеоклипија ки знаковно чхиб кола со поможинена е манушенге те хаљон хем те применинен о библиска начелија башо...
Библиско курси. Сикљов башо хабери тари Библија аѓаар со некој ка поможинел туке, добором време кобор со ваљани туке. Роде те дикхе сар изглединела акава бесплатно библиско курси.
О Џејсен Сенахонен живинела ко Филипини. Дикх сар амаро библиско курси поможинѓа леске те овел паше амал е Девлеа.
О Марио Антунез сине пастори ки јекх црква ко Хондурас. Дикх сар аракхља о одговорија ко пле библиска пучиба аѓаар со ка читине лескоро искуство „Имао сам више питања него одговора“.
Состанокија хем настанија. Иси амен собранија хем групе ко цело свето ки знаковно чхиб коте со о глувонема кхедена пе те шај те сикљовен хем те обожавинен е Девле секова курко. Амен исто аѓаар секова берш организиринаја побаре настанија ки знаковно чхиб те шај те сикљол пе тари Библија. Ко амаре состанокија хем настанија превединела пе адаленге сој глувонема, ама исто аѓаар адаленге сој тане хем глувонема хем короле. Исто аѓаар, печатинаја хем даја литература бизо паре ко Брајово писмо.
Роде собрание паше узи туте.
Дознајн кеда ка икерен пе амаре конгресија.
Ов присутно ки Спомен-свеченост, амаро најважно настан ко берш.
О Хозе Луис Ајала живинела ко Мексико. Ов бијандило сар глувонемо, а пало адава королило. Дикх сар поможинѓа пе леске те шај шукар те сикавел е јаверен баши Библија.
a Јехова тано о анав е Девлескоро (Псалм 83:18). Дикх и статија „Кој тано о Јехова?“