Соске о мануша нашти те анен мир? — Со вакерела и Библија?

О светска водачија хем о меѓународна организацие нашти те анен мир. Тари Дујто светско војна па са џи акана, авдиве иси највише насилна конфликтија. Околу дуј милијарде мануша — јекх четвртина таро адава кобор мануша иси ко свето — живинена ко тхана коте со иси асавке конфликтија.

Соске о мануша нашти те анен мир? Со вакерела и Библија?

Трин причине соске о мануша нашти те анен мир

1. 1. О стави е манушенгоро чхинавела лен чак те пробинен те анен мир. И Библија вакерѓа кај ко амаро време „о мануша ка манген коркори пес, ка манген о паре, ка овен чалмџие, ка икерен пе ко барипе... нане те овен верна... нане те овен спремна башо било саво договор... нане те контролиринен пе, [ка овен] сурова... иначие, горда“ (2. Тимотеј 3:2-4).

2. 2. О мануша ни коркори, ни сар група нашти те решинен о проблемија бизи помош таро Створители, о Јеховаa о Девел. И Библија вакерела кај „о мануш кова со пхирела нашти те управинел пле чекорија“ (Еремија 10:23).

3. 3. О свето тано контролиримо таро моќно хем лошно владетели, о Сатана о Бенг, „кова со ховавела цело свето“ (Откровение 12:9). Џикоте „цело свето тано ко васта е Лошноскере“ ка овен војне хем конфликтија (1. Јованескоро 5:19).

Кој шај те анел мир?

И Библија уверинела амен кај о мануша нане те анен мир, него о Девел.

• „’Соске ме бут шукар џанава саве тане мле намере туменцар‘, вакерела о Јехова, ’мангава те овел тумен мир, а на неволја, те дав тумен иднина хем надеж“ (Еремија 29:11).

Сар о Девел ка исполнинел пло ветување? „О Девел кова со дела мир, ка уништинел е Сатана“ (Римјања 16:20). О Девел ка користинел јекх небесно влада колаке со и Библијаке вакерела кај тани „е Девлескоро Царство“, те шај те анел мир ко цело свето (Лука 4:43). Кеда о Цари таро адава Царство, о Исус Христос, ка владинел упри пхув, о мануша ка сикљон сар те живинен ко мир (Исаија 9:6, 7).

• Те шај те дознајне повише читин и статија „Што ќе постигне Божјето Царство?“