Дали е Девлескоро Лафи иси ле влијание упро тло џивдипе?

Кеда секова диве ка читина и Библија, амари вера ка овел зорали (Кол. 2:6, 7). Ама, те шај е Јеховаскоро Лафи те влијањел ко амаро џивдипе, амен мора те размислина башо советија лестар хем те икера лен (Евр. 4:12; Јак. 1:22-25). Ко Исус Навин 1:8 иси трин буќа со шај те сикавен амен сар ваљани те читина: 1) Читин е Девлескоро Лафи „диве хем рат“. 2) Амен ваљани „внимателно те читина ле“, а адава значинела кај ваљани те читина аѓаар со ка размислина хем ка замислина аменге о буќа со читинаја лен. 3) Трудин тут те кере „са адава со пишинела ки лесте“. Ако керѓам акала буќа, тегани ка ова ‚успешна‘ хем ‚мудра‘ ко амаро џивдипе.