И Библија вакерела кај о живото е манушенгоро тано кратко хем пхердо проблеменцар (Јов 14:1). Ама, дали чаче о Девел мангела те овел амен асавко живото? Ако на, тегани која тани лескири намера аменцар? Дали адаја намера некогаш ка исполнинел пе? О одговорија со дела и Библија башо акала пучиба ка ден амен утеха.

1. Саво живото мангела о Јехова аменге?

О Јехова мангела те овел амен о најшукар живото со шај. Ов створинѓа е прва манушен, е Адаме хем е Ева, те живинен ко јекх бут шужо рај, ки Еденско градина. „Пало адава о Девел денѓа лен берекети хем вакерѓа ленге: ’Те овел тумен пхердо чхаве хем те овен бут џене, пхерен и пхув хем владинен упри лате‘“ (1. Мојсеева 1:28). О Јехова мангља те овен лен чхаве, те керен цели пхув рај хем те грижинен пе е животненге. Лескири намера сине са е манушен те овел лен совршено састипе хем те живинен засекогаш.

Иако амаро живото авдиве тано појавер, е Девлескири намера на менинѓа пе (Исаија 46:10, 11).a Ов понадари да мангела о послушна мануша те живинен засекогаш ко совршена условија. (Читин Откровение 21:3, 4.)

2. Сар шај те овел амен чачутни смисла ко живото панда акана?

Аменге ваљани о водство таро Јехова соске ов аѓаар створинѓа амен. Адалеске иси амен желба те запознајна ле хем те обожавина ле. (Читин Матеј 5:3-6.) О Девел мангела те ова паше амала леа, те џа ко са лескере друмија, те манга ле хем те служина леске цело вилеа (5. Мојсеева 10:12; Псалм 25:14). Адава шај те керел амен те ова чаче бахтале, иако иси амен проблемија ко живото. Кеда обожавинаја е Јехова иси амен смисла ко живото соске живинаја ко начин сар со мангела ов.

3. О Јехова иси ле бут шужи намера е манушенцар

Дикх о ВИДЕОКЛИПИ, а пало адава керен лафи башо акава пучибе:

ВИДЕОКЛИПИ: Соске о Девел керѓа и Пхув? — извадок (1:41)

• Соске о Девел керѓа амари бут шужи Пхув?

Читин Проповедник 3:11, а пало адава керен лафи башо акава пучибе:

• Со сикавела аменге акава баши е Јеховаскири намера е манушенцар?

4. Е Јеховаскири намера на менинѓа пе

Читин Псалм 37:11, 29 хем Исаија 55:11, а пало адава керен лафи башо акава пучибе:

• Котар џанаја кај е Јеховаскири намера башо мануша на менинѓа пе?

5. О служибе е Јеховаске дела амен чачутни смисла ко амаро живото

ВИДЕОКЛИПИ: Халиљум која тани и смисла е животоскири (5:03)

• Сар и Теруми сине ла корист таро адава со халили која тани и смисла е животоскири?

Читин Проповедник 12:13, а пало адава керен лафи башо акава пучибе:

• Сар шај те сикава кај сием благодарна башо са адава со керѓа о Јехова аменге?

СО СИКЛИЛЕМ

О Јехова мангела амен те уживина ко живото засекогаш ко совршена условија акате ки Пхув. Амаро живото шај те овел ле чачутни смисла панда акана ако обожавинаја е Јехова цело вилеа.

Сар ка одговорине?

• Која сине е Јеховаскири намера е Адамеа хем е Еваја?

• Котар џанаја кај е Девлескири намера е манушенцар на менинѓа пе?

• Сар шај те овел тут чачутни смисла ко живото?

ИСТРАЖИН

Читин башо доказија кај и Еденско градина чаче постојнела сине.

„Дали постоела рајската градина?“ (Стражарска кула таро 1 јануари 2011)

Дознајн соске шај те ова сигурна кај и Пхув ка ачхол засекогаш.

„Дали и Пхув ка овел уништими?“ (интернет статија)

Дикх со вакерела и Библија баши смисла е животоскири.

„Која тани и смисла е животоскири?“ (интернет статија)

2. Кој владинела заедно е Исусеа?

О Исус на владинела коркори. Мануша „таро секова племе, чхиб, народо хем нација... ка владинен сар царија упри цели пхув“ (Откровение 5:9, 10). Кобор џене ка владинен заедно е Исусеа? Откеда о Исус ало ки Пхув накхља бут време хем бут милиоња мануша уле христијања хем лескере следбеникија. Ама, само 144.000 лендар ка џан ко небо те владинен заедно е Исусеа. (Читин Откровение 14:1-4.) Са о јавера христијања ка живинен ки Пхув хем ка овен граѓанија таро е Девлескоро Царство (Псалм 37:29).

Е Девлескоро Царство више владинела. Панда хари, ов ка керел баре промене ки Пхув. Те дикха несаве шукар буќа со ка керел е Девлескоро Царство.

1. Сар е Девлескоро Царство ка анел мир хем правда ки Пхув?

О Исус, сар цари ко е Девлескоро Царство, ка уништинел е лошна манушен хем е владен ки војна со викинела пе Армагедон (Откровение 16:14, 16). Тегани ка исполнинел пе акава ветување тари Библија: „Панда хари, о лошно нане те овел више“ (Псалм 37:10). Преку е Девлескоро Царство, о Исус ка керел те овел мир хем правда ки цели Пхув. (Читин Исаија 11:4.)

2. Саво ка овел о живото ки Пхув кеда сарине ка керен е Девлескири волја?

Кеда е Девлескоро Царство ка владинел „о праведна мануша ка наслединен и пхув хем ка живинен вечно ки лате“ (Псалм 37:​29). Замислин туке те живине ко свето коте со сарине тане праведна хем мангена е Јехова хем јекх јекхе! Никој нане те овел насвало хем сарине ка живинен вечно.

3. Со ка керел е Девлескоро Царство откеда о лошна мануша ка овен уништиме?

Откеда о лошна мануша ка овен уништиме, о Исус ка владинел сар Цари 1.000 берша. Ко адава време, ов хем о 144.000 со ка владинен заедно леа, ка поможинен е манушенге те овен совршена. Ко крајо таро адава периоди и Пхув ка овел рај хем са о мануша ка овен бахтале адалеске со шунена е Јеховаскере законија. Тегани о Исус ка иранел о Царство пле Дадеске е Јеховаске. Сар никогаш англедер, ка „славинел пе [е Јеховаскоро] анав“ (Матеј 6:9, 10). Тегани ка овел јасно кај о Јехова тано шукар Владетели кова со грижинела пе башо пле слуге. Пало адава, о Јехова ка уништинел е Сатана, е демонен хем са околен со бунинена пе против лескоро владибе (Откровение 20:7-10). Са о шукар буќа со ка керел е Девлескоро Царство ка ачховен засекогаш.

ДОЗНАЈН ПОВИШЕ

4. Е Девлескоро Царство ка чхивел крајо е манушикане владенге

„О мануш владинела упро мануш ки лескири штета“ (Проповедник 8:9). Преку пло Царство, о Јехова ка поправинел са и штета со керѓе о мануша пле владибаја.

Читин Даниел 2:44 хем 2. Солуњаните 1:6-8, а пало адава керен лафи башо акала пучиба:

• Со ка керел о Јехова хем о Исус е манушикане владенге хем околенге со поддржинена лен?

• Сар адава со џи акана сиклиљан башо Јехова хем о Исус уверинела тут кај са адава со ка керен ка овел праведно?

5. О Исус тано о најшукар Цари

Сар Цари ко е Девлескоро Царство, о Исус ка поможинел е манушенге ки Пхув ко разна начинија. Дикх о ВИДЕОКЛИПИ те шај те дикхе кај о Исус мангела те поможинел е манушенге хем кај о Јехова денѓа ле и моќ те керел адава.

ВИДЕОКЛИПИ: О Исус сикавѓа со ка керел е Девлескоро Царство (1:13)

О буќа со керѓа о Исус џикоте сине ки Пхув, сикавена со ка керел е Девлескоро Царство. Кола берекетија сој тане денде потеле аџикереа посебно те исполнинен пе? Читин о стихија кола со керена лафи башо адала берекетија.

6. Е Девлескоро Царство ка анел јекх бут шужи иднина

ВИДЕОКЛИПИ: Берекетија со ка авен ки иднина (4:38)

Читин Псалм 145:16, а пало адава керен лафи башо акава пучибе:

• Сар осетинеа тут башо адава со џанеа кај о Јехова ка дел „са е манушенге хем е животненге адава со мангена“?

СО СИКЛИЛЕМ

Преку пло Царство о Девел ка керел адава со мангела. Кеда о Царство ка владинел, цели Пхув ка овел рај хем ки лате ка живинен само шукар мануша кола со засекогаш ка обожавинен е Јехова.

Сар ка одговорине?

• Сар е Девлескоро Царство ка славинел е Јеховаскоро анав?

• Соске шај те верујна кај е Девлескоро Царство ка исполнинел о ветувања тари Библија?

• Која бути мангеа највише те керел е Девлескоро Царство?

ИСТРАЖИН

Дознајн сој тани и војна Армагедон.

„Што е Армагедон?“ (интернет статија)

Читин кола настанија ка овен ко време кова со о Исус викинѓа ле „бари неволја“ (Матеј 24:21).

„Што е големата неволја?“ (интернет статија)

Дикх сар шај сар фамилија те размислинен башо рај.

Замисли се себеси во рајот (1:50)

Ко искуство е насловеа „Ме мачеа многу прашања“, читин сар јекх политичко бунтовнико халило кој ка решинел амаре проблемија.

„Библијата менува животи“ (Стражарска кула таро 1 јануари 2012)