-
И дар таро Девел тани амаре шукарипаскеСтражарско кула (Башо проучибе) 2023 | Јуни
-
-
6. Башо кола дуј симболична џувља ка кера лафи?
6 Те дикха о 9-то поглавје таро Изреки коте со пишинела баши мудрост хем глупавост, особине кола сој тане претставиме дује симболична џувленцар. (Споредин Римјања 5:14; Галатјања 4:24.) Џикоте разглединаја акала стихија на ваљани те бистра кај е Сатанаскоро свето нон-стоп мислинела башо неморал хем баши порнографија (Еф. 4:19). Адалеске бут тано важно понадари да те овел амен дар таро Девел хем те цида амен таро лошнипе (Изр. 16:6). Адава со ка дикха о 9-то поглавје ка поможинел сариненге аменге, бизи разлика дали сием мурша или џувља. Ки акаја споредба о солдуј џувља канинена околен со нане искусна, околен со нане разумна. Секоја јекх лендар сар ка пхене вакерела: „Ава ки манде те ха маро“ (Изр. 9:1, 5, 6, 13, 16, 17). Ама со ка овел околенцар сој каниме, зависинела таро адава каскири покана ка прифатинен.
-
-
И дар таро Девел тани амаре шукарипаскеСтражарско кула (Башо проучибе) 2023 | Јуни
-
-
И покана е „глупаво џувљакири“ шај те анел аменге страшна последице (Дикх ко пасус 7)
7. Спрема Изреки 9:13-18, со случинела пе околенцар со прифатинена и покана е глупаво џувљакири? (Дикх хем и слика.)
7 Те дикха и покана е глупаво џувљакири. (Читин Изреки 9:13-18.) Ој бизи лаџ канинела околен со нане искусна хем вакерела „авен ки манде те хан, те пиен“. Со случинела пе ленцар? „Лакере гостија тане хор ко гробо“. Шај сетинеа тут кај ко јавера да тхана ко Изреки тане спомниме слична лафија. Ко адала стихија сием предупредиме те цида амен тари „блудница“ хем „неморално џувли“. Атхе пишинела: „Лакоро кхер батинела ко мерибе“ (Изр. 2:11-19). Ко Изреки 5:3-10 иси предупредување баши јекх јавер „блудница“ колакере со „пре хулена ко мерибе“.
-
-
И дар таро Девел тани амаре шукарипаскеСтражарско кула (Башо проучибе) 2023 | Јуни
-
-
9-10. Кола тане несаве причине соске ваљани те наша таро неморална постапке?
9 Иси бут шукар причине соске ваљани те цида амен таро неморална постапке. И „глупаво џувли“ вакерела: „О чордикане пајна тане гудле“. Сој тане о „чордикане пајна“? И Библија спорединела о сексуална односија машкар о ром хем и ромни е свежо пајнеа (Изр. 5:15-18). Јекх мурш хем џувли кола сој законски ко брако шај те уживинен ко сексуална односија машкар пуменде. Ама поразлично тано е „чордикане пајненцар“. Ола шај те претставинен о сексуално неморал сој тано забранимо. Акава бут пути случинела пе гаравиндор, исто сар јекх чор кова со бут пути чорела гаравиндор. О „чордикане пајна“ шај посебно те овен гудле околенге со керѓе неморал хем мислинена кај никој на дикхља лен. Ама ола коркори пес ховавена соске о Јехова дикхела са. На постојнела ништо сој тано поќерко таро адава те нашава е Јеховаскоро одобрување. Акава сикавела аменге кај ко „чордикане пајна“ нане нисаво „гудлипе“ (1. Кор. 6:9, 10). Ама адава нане са.
10 О сексуално неморал шај те анел лаџ, те керел те мислина кај на врединаја, некој те ачхол кхамни или те руминел фамилие. Јасно дикхела пе кај тано мудро те одбина и покана е глупаво џувљакири. Окола со керена неморал, освен со шај те мерен ко духовно поглед, бут џене лендар астарена насвалипе колестар со шај дословно те мерен (Изр. 7:23, 26). Адалеске о 18-то стихо таро 9-то поглавје завршинела е лафенцар: „Лакере гостија тане хор ко гробо“. Тегани соске бут џене прифатинена лакири примамливо покана која со ингарела џи ки пропаст? (Изр. 9:13-18).
-
-
И дар таро Девел тани амаре шукарипаскеСтражарско кула (Башо проучибе) 2023 | Јуни
-
-
Ако прифатинаја и покана тари „чачутни мудрост“ адава шај те анел аменге живото (Дикх ко пасусија 17-18)
17-18. Саве благословија иси околен со прифатинена и покана тари чачутни мудрост хем ко со шај те надинен пе? (Дикх хем и слика.)
17 О Јехова користинела и споредба е дује џувленцар те шај те сикавел аменге сар шај те овел амен шужи иднина. Околенге со прифатинена и покана е „глупаво џувљакири“, најважно ленге те уживинен ко „гудлипе“ таро гаравдо задоволство. Ама ленгоро уживибе тано само моментално, а ни хари на мислинена со ка случинел пе ленцар ки иднина. Ленгере постапке ингарена лен „хор ко гробо“ (Изр. 9:13, 17, 18).
-