• Со вакерела и Библија башо брако хем башо адава те на ове ко брако?
    Ов бахтало засекогаш — библиско курси

    • 5. Мудро бирин тле брачно партнере

      Те бирине туке брачно партнери тани јекх таро најважна одлуке со ваљани те ане. Читин Матеј 19:4-6, 9, а пало адава керен лафи башо акава пучибе:

      • Соске јекх христијани на ваљани те сиѓарел те кхувел ко брако?

      И Библија шај те поможинел туке те џане саве особине ваљани те роде ко тло идно брачно партнери. Најважно тано те роде туке брачно партнери со мангела е Јехова.b Читин 1. Коринќаните 7:39 хем 2. Коринќаните 6:14, а пало адава керен лафи башо акала пучиба:

      • Соске ваљани те кхува ко брако само некасаја со служинела е Јеховаске?

      • Со мислинеа, сар ка осетинел пе о Јехова ако кхуваја ко брако некасаја со на служинела леске хем на мангела ле?

      Јекх зорало бико хем јекх тикно хер мучинена пе соске тане пханле заедно ко јекх каштунало јарем.

      Ако дуј различна животне чхивена пе ко исто јарем, ола солдуј ка мучинен пе. Слично аѓаар, ако јекх христијани кхувела ко брако некасаја со на служинела е Јеховаске ка овен ле бут проблемија