Вилестар те манга амен

1. Мангипе бут ка сикава,

хор е вилестар те мангљам

хем амаре пхрален амен,

бут ленде ка манга.

Ка рода сар шај те кера

таро вило шукар буќа,

сар о Јехова те ова,

бут те манга олен.

На лафенцар те пхена,

а ко дело те на сикава,

те кера шукарипа

хем олен те ценина.

Кед ка поштуња е пхрален,

ко мир оленцар ка ова,

ленгере грешке ка бистра,

верна ленге ка ова

хем сар јекх ка ачхова.

2. Кеда е пхрален ка манга

сиг и холи шај те цида,

о грешке со керѓе ола

сиг шај те учхара.

Ленцар амала те ова,

те сикава бут мангипа

хем те охрабрина амен

верна те ачхова.

Некад бизо те манга,

ка пхена шај лошна лафија.

Бут те пазина амен

саво лафи ка пхена.

Ленцар бут паше те ова,

са е вилестар те манга

хем о Девел сар со пхенѓа,

ле амен са ка шуна,

мангипа ка сикава.