Кер пошукар и служба — користин делотворна пучиба

СОСКЕ ТАНО ВАЖНО: Ако о размислиба е вилескере тане сар хор пани, тегани о пучиба тане сар кофа со ка поможинел тут те икале лен (Из 20:5). Кеда пучаја, тегани вклучинаја ко разговор е мануше со шунела хем аѓаар шај те дикха сар размислинела. О Исус секогаш користинела сине делотворна пучиба. Сар шај те ова сар лесте?

САР ТЕ КЕРА АДАВА:

• Користин пучиба те шај те дикхе сар размислинела некој. Ки јекх прилика, о Исус пучља делотворна пучиба те шај те дикхел сар дикхена лескере ученикија ки адаја бути (Мт 16:13-16; be-MC 238 стр., 4-6 пас.). Саве пучиба би пучеа ако мангеа те дикхе сар некој размислинела баши несави бути?

• Користин пучиба со анена џи ко одговор. Кеда мангља те испрајнел е Петаре баши јекх бути, о Исус пучља ле некобор пучиба, хем денѓа ле некобор одговорија те шај те поможинел ле те авел џи ко исправно заклучок (Мт 17:24-26). Саве пучиба би пучеа ако мангеа некаске те поможине те авел џи ко исправно заклучок?

• Фалин адале со шунела тут. О Исус фалинѓа јекхе книжнико кова со денѓа шукар одговор ко јекх пучибе (Мр 12:34). Сар шај те фалине некас со одговоринѓа ко тло пучибе?

ДИКХЕН О ПРВО ДЕЛО ТАРО КЛИПИ КЕР АДАВА СО КЕРЃА О ИСУС — ПОУЧИН, ХЕМ ПАЛО АДАВА ДИСКУТИРИНЕН БАШО АКАЛА ПУЧИБА:

• Иако о објавители вакерѓа точна информацие, соске акава тано лошно пример башо поучибе?

• Соске нане доволно само те објаснина о информацие?

ДИКХЕН О ДУЈТО ДЕЛО ТАРО АКАВА КЛИПИ, ХЕМ ПАЛО АДАВА ДИСКУТИРИНЕН БАШО АКАЛА ПУЧИБА:

• Сар о објавители користинела сине делотворна пучиба?

• Со шај јавер те сикљова таро адава сар поучинела сине?