1 ЛЕКЦИЈА

Кер шукар увод

Дела 17:22

СО ТЕ КЕРЕ: Тле уводеа ваљани те бајраре о интерес е јаверенгоро. Исто аѓаар, ваљани те поможине ленге те хаљовен башо со ка кере лафи хем соске тано адава важно.

САР ТЕ КЕРЕ АДАВА:

Бајрар о интерес. Пуч пучибе или вакер нешто со чаче случинѓа пе, несаво актуелно настан или нешто јавер со ка интересинел адален со шунена тут.

Англедер шукар размислин хем ко тло увод вакер нешто со интересинела или секиринела адален со шунена тут.
Поможин ленге те хаљовен башо со ка кере лафи. Трудин тут таро тло увод јасно те дикхел пе башо со ка кере лафи хем која тани тли цел.
Поможин ленге те хаљовен соске тано важно адава со ка вакере. Кер о увод спрема о потребе адаленгере со шунена тут. Ола ваљани јасно те хаљовен сар ка поможинел ленге адава со вакереа.

Џикоте спреминеа несаво говор, пуч тут: „Саве проблеменцар боринена пе о пхраља хем о пхења таро мло собрание?“ Пало адава кер увод со ка одговоринел спрема ленгере потребе.