4 ЛЕКЦИЈА

Кер исправно увод башо стихија

Мат. 22:41-45

СО ТЕ КЕРЕ: Поттикнин интерес башо библиско стихо со мангеа те читине ле.

САР ТЕ КЕРЕ АДАВА:

Размислин соске читинеа о стихо. О увод со ка вакере ле башо стихо ваљани те поможинел е манушенге те хаљовен која мисла мангеа те истакнине таро стихо.

Размислин башо контекст. Ако мангеа те вакере кој пишинѓа адава библиско лил или кој вакерѓа адала лафија таро стихо, пазин те на вакере нешто со нане точно.
Секогаш користин и Библија кеда сикавеа. Кеда кереа лафи манушенцар кола со верујнена ко Девел, вакер ленге кај адава со ка читине тано таро е Девлескоро Лафи. Адалеа ка поможине ленге те хаљовен кај адава со сикавеа авела таро Девел кова сој најмудро.
Поттикнин интерес башо библиско стихо. Пуч пучибе колеске со о стихо дела одговор или вакер несаво проблеми башо кова со о стихо дела решение. Исто аѓаар, шај те вакере начело кова со о мануша пошукар ка хаљовен ле кеда ка читине о библиско извештај.

Размислин кола буќа о мануша џанена баши тема колаке со кереа лафи хем башо стихија со мангеа те читине лен. Чак кеда ваљани те читине стихија кола сој ленге пенџарде, англедер вакер нешто со ка поможинел е манушенге те хаљовен несаво детали пошукар или ко нево начин.