ТЕ ЖИВИНА САР ХРИСТИЈАЊА
„Циден тумендар е ховавне девлен“
О Јаков џанља кај о Јехова заслужинела о мануша те служинен само леске, иако на сине панда закони кова со забранинела сине о идолопоклонство (2Мо 20:3-5). Адалеске, откеда о Јехова заповединѓа е Јаковеске те иранел пе ко Ветил, ов вакерѓа пле кхерутненге те циден о идолија. Пало адава, ов фрдинѓа са е идолен, машкар кола со сине хем о чејна со веројатно пхиравена пе сине сар амајлие (1Мо 35:1-4). О Јехова сигурно сине бут бахтало башо адава со керѓа о Јаков.
Сар шај авдиве те сикава кај служинаја само е Јеховаске? Јекх важно бути тани те избегина са коте со иси идолопоклонство хем спиритизам. Адава значинела те цида амендар са о буќа сој тане поврзиме натприродна силенцар хем внимателно те бирина амари забава. На пример, пуч тут: „Дали мангава те читинав лила или те дикхав филмија коте со иси вампирија, зомбија или несаве натприродна буќа? Дали ки ленде о магие тане сикавде сар забава со нане опасно?“ Ваљани те цида амен таро са о буќа со мрзинела о Јехова (Пс 97:10).
ДИКХ О ВИДЕОКЛИПИ „ПРОТИВИНЕН ТУМЕН Е БЕНГЕСКЕ“ КОВА СО ТЕМЕЛИНЕЛЕПА КО ЗАМИСЛИМО СЦЕНАРИО, А ПАЛО АДАВА ОДГОВОРИН КО АКАЛА ПУЧИБА:
Саве проблемеа соочинѓа пе јекх интересентка со викинела пе Палеса?
Соске тано мудро те родел пе помош таро старешине ако иси некас проблемија спиритистичко буќенцар?
Противинен тумен е Бенгеске, хем овен паше е Девлеа (Јк 4:7, 8).
Таро саве буќа ваљани целосно те ослободина амен ако мангаја е Јеховаскири заштита?
Саве одлучна постапке керѓа и Палеса?
Сар шај те заштитине тут таро влијание е демоненгоро?