Бирин те служине е Јеховаске

Ако проучинеа и Библија е Јеховаскере сведоконцар или сиан терно некрстено објавители, дали чхивѓан туке цел те крстине тут? Соске ваљани те манге те крстине тут? Адалеа со ка де лафи кај ка служине е  Јеховаске хем ка крстине тут, ту ка ове паше е Јеховаја ко јекх посебно начин (Пс 91:1). Освен адава, аѓаар шај те ове спасимо (1Пе 3:21). Со шај те поможинел туке те исполнине акаја цел?

Уверин тут кај акава тано о чачипе. Кеда појавинена пе туке несаве пучиба, проучин хем истражин те шај те дознајне о одговор (Ри 12:2). Размислин саве промене ваљани те кере, хем пало адава о мангипе спрема о Јехова нека поттикнинел тут те кере адала промене (Из 27:11; Еф 4:23, 24). Секогаш роде лестар помош ки молитва. Ов уверимо кај о Јехова ка дел тут сила хем ка поддржинел тут пле моќно свети духоја (1Пе 5:10, 11). Адава со трудинеа тут, нане џабе. Нане ништо пошукар таро адава те служине е Јеховаске! (Пс 16:11).

ДИКХ О ВИДЕОКЛИПИ О ДРУМО ЏИ КО КРСТИБЕ, А ПАЛО АДАВА ОДГОВОРИН КО АКАЛА ПУЧИБА:

• Саве предизвикија ваљанѓе те накхавен несаве те шај те крстинен пе?

• Сар шај те овел тут вера со ка поттикнинел тут те де лафи е Јеховаске кај ка служине леске цело живото?

• Кола буќа поттикнинѓе несаве пхрален хем пхењен те керен о потребна чекорија те шај те крстинен пе?

• Саве берекетија добинена окола со одлучинѓе те служинен е Јеховаске?

• Со значинела те де лафи е Јеховаске кај ка служине леске хем те крстине тут?