Охрабрин е јаверен позитивна мисленцар

Јов 16:5

СО ТЕ КЕРЕ: Наместо побаро дело таро време те кере лафи башо проблемија, кер лафи башо адава сар шај те решинен пе хем башо буќа со шај те охрабринен е јаверен.

САР ТЕ КЕРЕ АДАВА:

• Дикх позитивно ко адала со шунена тут. Нека овел тут доверба кај тле пхраља хем пхења мангена те керен бахтало е Јехова. Чак кеда ваљани те де совет, секогаш кеда шај прво искрено пофалин лен.

• Ма кер бут лафи башо негативна буќа. Шај те кере лафи башо негативна буќа сој поврзиме е темаја само ако адава поможинела туке те истакнине нешто. Главно ваљани те кере лафи башо позитивна буќа.

• Користин шукар е Девлескоро Лафи. Истакнин со керѓа о Јехова е манушенге ко пурано време, со керела акана хем со ка керел ки иднина. Трудин тут те охрабрине е манушен со шунена тут хем поможин ленге те овел лен надеж.