Увод башо 7 дело

Ко акава дело пишинела башо царија о Саул хем о Давид, периоди таро околу 80 берш. Ко почеток, о Саул сине понизно хем дарала сине таро Јехова, ама кратко пало адава ов менинѓа пе хем на шунела сине е Јехова. О Јехова отфрлинѓа ле, хем пало несаво време вакерѓа е Самоилеске те помазинел е Давиде сар цари со ка владинел ко Израел пало Саул. О Саул сине љубоморно хем мангела сине те мударел е Давиде, ама ов ни јекх пути на иранѓа леске лошнипаја. О Јонатан, е Саулескоро чхаво, џанѓа кај о Јехова биринѓа е Давиде, хем адалеске сине верно амал леа. О Давид керѓа некобор пхаре гревија, ама секогаш прифатинела сине е Девлескере советија. Ако сиан родители, поможин те чхавеске те хаљол кобор тано важно секогаш те шунел е Јехова хем адален со чхивѓа лен те водинен амен.