ГИЛИ 96
Е Девлескоро лил — барвалипе
(Изреки 2:1)
1. Иси ко свето јекх лил со анела
мир, надеж хем бахталипе баро.
Иси ле сила, е „мулен“ ваздела,
дикхена палем хем о „короле“.
И Библија денди таро Јехова,
ла пишинѓе о верна мануша.
Ола вилестар лесте бут мангле ле,
ов ленде пле духоја водинѓа.
2. Ки лате точно са објаснинела
сар о Девел шукар са створинѓа.
Сар о мануш керѓа о прво грево
хем таро рај сине ов палдимо.
Латар џанаја башо јекх ангели
кај бунинѓа пе против о Девел.
А адава анѓа бут баре муке
хем сиг о крајо ленге ка авел.
3. Ало о време баши бари радост,
е Исусе денѓа власт о Девел.
Хем о хабери спремно вакераја,
кај вечно рај ки Пхув ов ка анел.
Са адава ко лил со пишинела
шај утеха хем живото те дел.
Хем мир баро шај те анел аменге
те читинѓем о лил таро Девел.
(Дикх хем 2. Тим. 3:16; 2. Пет. 1:21.)