Соске е Јеховаскере сведокија на користинена крсто?

Буте манушенге, о крсто тано главно симболи башо христијанство. Иако е Јеховаскере сведокија тане христијања, ола на користинена крсто а ни на обожавинена ле, соске?

Јекх причина тани со и Библија вакерела кај о Исус на муло ко крсто, него ко обично стубо. А и дујто причина тани со и Библија заповединела е христијаненге те „нашен таро идолопоклонство“, со значинела те на користинен крсто (1. Коринќаните 10:14; 1. Јованово 5:21).

Интересно тано адава со вакерѓа о Исус: „Таро адава сарине ка џанен кај сиен мле ученикија, ако иси тумен мангипе машкар туменде“ (Јован 13:34, 35). Адалеа истакнинѓа кај о знако лескере следбениконгоро ка овел о мангипе, а на о крсто или несаво јавер симболи.