ЛЕКЦИЈА 36
Ов чесно ко са
Сарине мангена те овел лен амала сој тане чесна. Исто аѓаар, о Јехова да очекујнела таро пле амала те овен чесна. Ама, адава нане локхо ко свето коте со бут мануша тане нечесна. Соске тано шукар те ова чесна ко са?
1. Која тани и најважно причина соске ваљани те ова чесна?
Кеда сием чесна е јаверенцар, амен сикаваја кај мангаја хем поштујнаја е Јехова. Размислин башо акава: О Јехова џанела са со мислинаја хем со кераја (Евреите 4:13). Ов дикхела кеда амен постапинаја чесно хем адава керела ле бахтало. Ки Библија пишинела: „Е Јеховаске тане одвратна о нечесна мануша, а паше амал тано околенцар сој тане чесна“ (Изреки 3:32).
2. Сар шај те ова чесна ко амаро секојдневно живото?
О Јехова мангела те вакера „о чачипе јекх јекхеске“ (Захарија 8:16, 17). Со значинела адава? Бизи разлика дали кераја лафи амаре фамилијаја, амаре колегенцар, амаре пхраленцар хем пхењенцар таро собрание или несаве државна службениконцар, амен на ховаваја хем на даја погрешна информацие. О чесна мануша на преваринена е јаверен хем на чорена. (Читин Изреки 24:28 хем Ефешаните 4:28.) Ола исто аѓаар платинена са пумаре сметке хем данокија (Римјаните 13:5-7). Ама, на мангаја само ко акала буќа те ова чесна, него амен „мангаја ко са о буќа те ова чесна“ (Евреите 13:18).
3. Соске тано шукар те ова чесна?
Ако сием пенџарде сар чесна, тегани е јаверен ка овел лен доверба ки аменде. Адава ка поможинел сарине ко собрание те осетинен пе сигурна хем паше сар јекх фамилија. Исто аѓаар, амен ка овел амен чисто совест. Кеда сием чесна амен украсинаја о сикљојбе таро амаро Спасители, о Девел, хем адава шај те поттикнинел е јаверен да те служинен е Јеховаске (Тит 2:10).
ДОЗНАЈН ПОВИШЕ
Дикх сар осетинела пе о Јехова кеда сием чесна хем сар и чесност шај те користинел туке. Сикљов сар шај те ове чесно ко различна ситуацие ко живото.
4. И чесност керела бахтало е Јехова
Читин Псалм 44:21 хем Малахија 3:16, а пало адава керен лафи башо акала пучиба:
Соске нане разумно те мислина кај шај те гарава о чачипе?
Нане секогаш локхо те ова искрена. Ама со мислинеа, сар осетинела пе о Јехова кеда амен сепак одлучинаја те вакера о чачипе?
Кеда о чхаве тане искрена хем вакерена о чачипе, ленгере родителија тане бахтале. Кеда амен сием искрена хем вакераја о чачипе, о Јехова тано бахтало
5. Ов чесно ки секоја ситуација
Бут мануша мислинена кај нашти секогаш те овел пе чесно. Ама, дикх соске тано шукар те ова чесна ки секоја ситуација. Дикх о ВИДЕОКЛИПИ.
Читин Евреите 13:18, а пало адава керен лафи башо акала пучиба. Сар шај те ове чесно...
ки фамилија?
ки бути или ки школа?
ко јавера ситуацие?
6. Врединела те ове чесно
Понекогаш шај те овел амен проблемија адалеске со сием чесна. Ама, сар со ка накхел о време ка дикха кај адава тано о најшукар со шај те кера. Читин Псалм 34:12-16, а пало адава керен лафи башо акава пучибе:
Сар и чесност керела амаро живото пошукар?
1. Амаро брако овела позорало
2. Амаро газда ка овел ле доверба ки аменде
3. Ка ова ко шукар гласо англо властија
НЕСАВЕ ШАЈ ВАКЕРЕНА: „Нане страшно ако хари ховавеа“.
Со уверинела тут кај о Јехова мрзинела секова ховајбе?
СО СИКЛИЛЕМ
О Јехова мангела лескере амала те овен чесна ко са со вакерена хем керена.
Сар ка одговорине?
Сар шај те сикава кај сием чесна?
Соске нане разумно те мислина кај шај те гарава о чачипе?
Соске мангеа те ове чесно ки секоја ситуација?
ИСТРАЖИН
Сар шај о родителија те сикавен пумаре чхавен те овен чесна?
Дикх соске мора те платине о данокија, чак кеда џанеа кај ола на користинена пе ко исправно начин.
„Мора ли да плаќаш даноци?“ (Стражарска кула таро 1 септември 2011)
Со поможинѓа јекхе нечесно манушеске те менинел пло живото хем те овел чесно?
„Дознав дека Јехова е милостив и дека простува“ (Стражарска кула таро 1 мај 2015)