Понизност
Сар дикхела о Јехова ко понизна мануша, а сар ко горда?
Пс 138:6; Из 15:25; 16:18, 19; 22:4; 1Пе 5:5
Дикх хем Из 29:23; Иса 2:11, 12
Библиска извештаија:
2Ле 26:3-5, 16-21 — О цари о Озија уло гордо, пхагља е Девлескоро закони хем бут хољанѓа кеда о свештеникија вакерѓе леске кај адава со керѓа сине погрешно, хем адалеске о Девел казнинѓа ле лепраја
Лк 18:9-14 — О Исус користинела јекх споредба те сикавел сар дикхела о Јехова ко молитве е понизна манушенгере, а сар дикхела ко молитве е горда манушенгере
Сар о Јехова одговоринела ко молитве околенгере со понизно хем искрено каинена пе?
Библиска извештаија:
2Ле 12:5-7 — О цари о Ровоам хем о кнезија тари Јуда понизно прифатинѓе е Јеховаскири одлука, каинѓе пе хем адалеске о Јехова на уништинѓа лен
2Ле 32:24-26 — О шукар цари о Езекија уло гордо, ама кеда палем уло понизно о Јехова простинѓа леске
Сар адава со ка ова понизна ка поможинел шукар те накха аменге е јаверенцар?
Еф 4:1, 2; Фп 2:3; Кол 3:12, 13
Библиска извештаија:
1Мо 33:3, 4 — О Јаков керѓа те овел палем мир машкар лесте хем лескоро пхрал о Исав, кова со сине леске бут хољамо, аѓаар со сикавѓа бари понизност кеда дикхља ле
Су 8:1-3 — О судија о Гедеон вакерѓа е манушенге таро Ефрем кај ола тане пошукар лестар, хем аѓаар смиринѓа и бути хем ола на сине леске више хољаме
Сар о Исус Христос сикавѓа кај тано важно те ова понизна?
Мт 18:1-5; 23:11, 12; Мр 10:41-45
Библиска извештаија:
Иса 53:7; Фп 2:7, 8 — Сар со сине пророкујмо, о Исус сине понизно хем сине спремно те авел ки пхув хем чак те мерел ко јекх мучно хем понижувачко начин
Лк 14:7-11 — О Исус вакерѓа јекх споредба башо адава те астарен пе о најшукар тхана ки гозба, те шај те сикавел кобор и понизност шај те користинел аменге ко живото
Јвн 13:3-17 — О Исус мукхља пример пле следбениконге те овен понизна аѓаар со тховѓа о пре е апостоленгере — бути со обично керела ла сине јекх робо