Брако

Библиска извештаија:

• 1Мо 24:1-4, 7 — О Авраам кова со сине ко берша, сине одлучно те аракхел ромни пле чхавеске, е Исакоске, таро мануша со служинена сине е Јеховаске, а на таро Ханаанција кола со служинена сине јавере девленге

• 1Мо 28:1-4 — О Исак вакерѓа пле чхавеске, е Јаковеске, кај на ваљани те лел пе некасаја таро ханаанска џувља, него ваљани те аракхел песке ромни која со служинела е Јеховаске

Библиска извештаија:

• 1Ца 11:1-6, 9-11 — О Јехова бут хољанѓа е цареске е Соломонеске адалеске со пхагља лескоро закони аѓаар со женинѓа пе џувленцар таро јавера народија хем ов да почминѓа те обожавинел ховавне девлен

• Не 13:23-27 — Исто сар о Јехова, о Неемија хољанѓа е израелска муршенге со женинѓе пе џувленцар со на служинена е Јеховаске, адалеске ов укоринѓа лен хем испрајнѓа лен

Библиска извештаија:

• 1Са 25:2, 3, 14-17 — О Навал сине барвало мануш, ама понашинела пе сине грубо, сине бут лошно ром е Авигејаке

• Из 21:9 — Ако на биринаја мудро амаре брачно партнере, адава шај те керел те на ова среќна хем те на овел амен мир

• Ри 7:2 — О апостол Павле објаснинела кај кеда јекх џувли женинела пе, лакере несовршено роме иси ле авторитети упри лате. Адалеске јекх мудро џувли шукар биринела пле брачно партнере

Библиско извештај:

• Из 24:27 — Јекх мурш, англедер те женинел пе хем те овен ле чхаве, ваљани те овел буќарно те шај те поддржинел пле фамилија

Библиска извештаија:

• Рут 2:4-7, 10-12 — О Вооз халило сави џувли тани и Рут таро лакере навике баши бути, таро адава со шунѓа баши лате таро доверлива мануша, сар понашинела пе сине е Ноеминаја хем тари лакири духовност

• Рут 2:8, 9, 20 — И Рут халили саво тано о Вооз аѓаар со приметинѓа кај тано љубезно, дарежливо хем кај мангела е Јехова

Библиска извештаија:

• Из 5:18, 19 — Несаве начинија коленцар со сикавела пе мангипе тане само башо окола сој ко брако

• Пнп 1:2; 2:6 — О пастири хем и Суламка сикавѓе пумаро мангипе ко јекх исправно хем чисто начин

• Пнп 4:12; 8:8-10 — И Суламка ачхили чисто хем сикавѓа самоконтрола. Ој тани споредими јекхе градинаја која сој пханли

Библиска извештаија:

• 1Мо 21:8-12 — Иако е Авраамеске на свиџинѓа пе е Саракоро предлог, о Јехова вакерѓа леске те шунел пле ромња

• Из 31:10, 11, 16, 28 — Сар сој спомнимо ко акала стихија, јекх мудро ром со иси ле шукар ромни, на контролиринела ла хем на аракхела лаке грешке. Наместо адава иси ле доверба ки лате хем фалинела ла

• Еф 5:33 — О апостол Павле, водимо тари е Девлескири сила, вакерѓа кај јекхе ромња иси ла потреба те џанел кај о ром мангела ла

Библиска извештаија:

• Из 1:8; 1Ко 7:4 — О Девел џи негде денѓа е ромњенге хем е дајенге авторитети ки фамилија

• 1Ко 11:3 — О апостол Павле објаснинела кај саринен амен иси амен несаво поглавари упри аменде, освен е Девле кова сој Семоќно

• Ев 13:7, 17 — Ко собрание, хем о џувља хем о мурша ваљани те овен подложна хем послушна адаленге со предводинена

Библиско извештај:

• 1Мо 18:12; 1Пе 3:5, 6 — И Сара хор поштујнѓа пле роме, е Аврааме, хем дикхела сине ки лесте сар лакоро „господари“, чак ко пле мисле

Библиска извештаија:

• 1Мо 24:62-67 — И Ребека поможинѓа пле ромеске, е Исакоске, те аракхел утеха откеда мули лескири дај

• 1Са 25:14-24, 32-38 — И Авигеја заштитинѓа пле роме кова со на сине разумно хем спасинѓа е јаверен таро пло кхер аѓаар со понизно молинѓа е Давиде те сикавел милост

• Ес 4:6-17; 5:1-8; 7:1-6; 8:3-6 — И царица и Естира дуј пути ризикујнѓа пло живото аѓаар со иако на сине викими, гели ко пло ром кова со сине цари, те родел лестар те заштитинел е Девлескере народо