Сар те памтине о стихија полокхе

Дали некогаш сине туке пхаро те сетине тут ко несаво омилено библиско стихо? Шај тано стихо со дела тут утеха, поможинела туке те борине тут погрешна мисленцар, или палем мангеа те вакере ле е јаверенге (Пс. 119:11, 111). О следна предлогија шај те поможинен туке полокхе те памтине стихија.

• Користин и опција „Теме“ ки апликација JW Li­brary^®. Кер туке тема „Омилена стихија“ хем атхе гарав о стихија со мангеа те памтине лен.

• Пишин о стихо ко тхан коте со шај те дикхе ле. О стихо со мангеа те памтине ле, пишин ле ко јекх лил хем чхив ле негде коте со шај често те дикхе ле. Несаве чхивена ле ки ајна, а јавера ко удар таро фрижидери. Несаве палем чхивена слика таро стихо сар позадина ко пло компјутери или телефони.

• Кер туке картичка сикљојбаске стихија. Ки јекх страна пишин о библиско лил, о поглавје хем о стихо, а тари јавер страна пишин о лафија таро адава стихо. Пало адава, користин и картичка те шај те пробине те цитирине о стихо или те сетине тут коте аракхљола ки Библија или скенирин о коди.