Psalam

4 Olenge idolija tane ando srebro hem ando zlato kola o manuša ćerđe. 5 Muj isi len, ama na vaćerena, jaćha isi len, ama na dikhena, 6 kana isi len, ama na šunena, nak isi len, ama na mirišinena, 7 vasta isi len, ama ništa na pipinena, pre isi len, ama na phirena, na mukhena po glaso ando korlo. 8 Asavke ka oven o manuša kola ćerena len, a hem sa okola so uzdajinena pe upro lende. 9 O Izrael, uzdajin tut upro Jehova – ov tano ti pomoć hem to štit. 10 Tumen e Aronese potomkija, uzdajinen tumen upro Jehova – ov tano tumari pomoć hem tumaro štit. 11 Tumen kola darana ando Jehova, uzdajinen tumen upro Jehova – ov tano tumari pomoć hem tumaro štit. 15 Nek blagoslovini tumen o Jehova, Okova so stvorinđa o nebo hem i phuv. 16 O nebesa tane e Jehovase, a i phuv dinđa e manušenđe.