1. Kraljevima

2 „Me pana hari ka merav. Odolese ov zoralo hem hrabro. 3 Ćer sa te obaveze premalo Jehova, to Devel, ađahar so ka đa olese drumoja, ka ićere tut ko olese odredbe, ko olese zapovestija, ko olese zakonija hem ko olese opomene, sar soj tano pisimo ko Mojsijeso zakon. Tegani ka ove uspešno ko sa so ćereja hem kuri god te đa. 15 Ov phenđa: „Šukar đaneja so o kraljevstvo valjanđa te ovel moklo hem so celo Izrael ađićerđa me te ovav kralj. Ama odova na ulo hem i kraljevsko vlast tani dindi me phralese, sose o Jehova ađahar manglja. 16 A akana samo jekh molinava tut. Ma te odbine man.“ Oj phenđa lese: „Vaćer.“ 17 Tegani ov phenđa: „Molinava tut, vaćer e kraljese, e Solomonese, sose tut ka šunel, te del man e Sunamka e Avisaga te ovel mi romni.“ 22 Ko odova o kralj Solomon phenđa pe dajaće: „Sose rodeja e Sunamka e Avisaga e Adonijase? Šaj hem o kraljevstvo te rode olese, sose ov tano mo phureder phral, a hem o sveštenik Avijatar hem e Serujako ćhavo, o Joav, tane ki olesi strana!“ 23 Tegani o Solomon dinđa sovel upro Jehova: „Nek del man o Devel najbari kazna ako o Adonija na platini pe životoja odova so rodinđa. 35 Tegani o kralj ko oleso than upri vojska ćhivđa e Jodajese ćhave, e Venaja, a ko Avijatareso than ćhivđa e svešteniko, e Sadoke. 37 Okova dive ked ka ikljove hem ked ka nakhe i dolina Kedron, te đane so ka mere. Kokri ka ove krivo te meribase.“ 41 E Solomonese hine phendo: „O Simej đelo ando Jerusalim ko Gat hem irinđa pe.“ 42 Tegani o kralj vićinđa e Simeje hem phenđa lese: „Na dinđan li sovel upro Jehova hem na li upozorinđum tut: ’Okova dive ked ka ikljove akatar hem ked ka pođine bilo kaj, te đane so ka mere‘? Hem na li tu phenđan maje: ’Šukar phenđan odova. Ka šunav tut‘? 43 Sose tegani na ićerđan tut ko lafi kova dinđan e Jehovase hem sose na šunđan mi zapovest?“ 44 Tegani o kralj phenđa e Simejese: „Šukar đaneja ko to vilo save lošnipa ćerđan me dadese e Davidese. O Jehova ka irini tuće aso sa o lošnipa so ćerđan. 45 A o kralj Solomon ka ovel blagoslovimo hem e Davideso kraljevstvo zauvek ka aćhol.“ 46 Tegani o kralj dinđa zapovest e Jodajese ćhavese e Venajase, kova đelo hem mudarđa e Simeje. Ađahar o kraljevstvo ulo zoralo đi o Solomon vladinđa.