2. Kraljevima

2 Tegani o Jehova počminđa te bićhali ko Joakim e haldejsko, e sirijsko, e moavsko hem e amonsko razbojnikonen. Bićhalđa len te uništinen i Juda, sar so phenđa o Jehova prekalo pe sluge, o prorokija. 3 Odova ulo ki Juda premali Jehovasi zapovest, sose ov odbacinđa odole narodo sebepi o grehija kola o Manasija ćerđa 4 hem sebepi o rat ando nedužna manuša kova ćhorđa hem koleja pherđa o Jerusalim. Odolese o Jehova na manglja te oprostini lenđe. 8 O Joahin hine le 18 berš ked ulo kralj. Vladinđa trin masek ko Jerusalim. Olesi daj vićinđa pe Neusta hem hine e Elnatanesi ćhaj ando Jerusalim. 9 Ov ćerđa okova soj tano lošno anglo Jehovase jaćha, ađahar sar so ćerđa hem oleso dad. 10 Ko odova vreme i vojska ando vavilonsko kralj o Navuhodonosor pođinđa ko Jerusalim hem opkolinđa i diz.