Psalam

7 Ko skup ando sveta vladini strahopoštovanje premalo Devel. Ov tano veličanstveno hem ćhivela strahopoštovanje sarinenđe uzo peste. 9 O nemirno more tano ki ti vlast, ked uštena olese talasija, tu smirineja len. 14 I pravednost hem i pravda tane temelji ando to presto, o mangipe hem i vernost tane uvek anglo tute. 15 Bahtalo tano o narodo kova radosno hvalini tut. On phirena tuvaja, Jehova, hem isi len ti milost. 16 Sebepi to anav on tane bahtale po celo dive hem ti pravednost anela lenđe čast. 34 Na ka phagav mo savez niti ka meninav okova so phenđum. 35 Jekh puti hem zauvek dinđum sovel upri mi svetost, na ka hovavav e Davide. 36 Olesi loza večno ka aćhol, oleso presto ka ovel anglo mande sa đi tano o kham. 37 Oleso presto zauvek ka aćhol sar soj tano o mesec verno svedoko ko nebo.