Psalam

2 Sose o narodija buninena pe hem razmislinena ando beskorisna buća? 2 O kraljija andi phuv uštena hem o vladarija ćedena pe te ušten protiv o Jehova hem protiv oleso pomazaniko. 3 On phenena: „Hajde te phaga olenge lancija hem te forda amendar olenge šele!“ 6 hem ka phenel: „Me ćhivđum me kralje ko Sion, ki mi sveto gora.“ 7 Ka vaćerav e Jehovasi odluka. Ov phenđa maje: „Tu hijan mo ćhavo, avdije me uljum to dad. 8 Rode mandar hem ka dav tut e narodon sar nasledstvo, ka dav tut celo phuv te ovel tikli. 10 Odolese, tumen so hijen kraljija, oven gođale! Šunen o upozorenje, tumen so hijen sudije ki phuv! 11 Daran ando Jehova, poštujinen le hem radosno služinen olese. 12 Mothoven poštovanje e ćhavese te na holjani o Devel upro tumende hem te na meren ko tumaro drumo, sose ov šaj sigate te holjani. Bahtale tane sare kase ov tano than kuri šaj te garaven pe.