Isaija

9 Ama i tomnina na ka ovel sar tegani ked i phuv hine ki nevolja. Angleder e Zavulonesi phuv hem e Neftalimesi phuv hine lađaćerde. Ama kasnije o Devel ka mothovi čast odola phuvjaće – odole drumose kova legari đi o more, ko jordansko krajo, ki Galileja kuri živinđe but manuša kola nane Izraelcija. 2 O manuša kola živinđe ki tomnina dikhlje but bari svetlost. Okolenđe kola živinđe ki phuv kuri hine bari tomnina svetlinđa but bari svetlost. 3 Tu ćerđan o narodo te ovel baro, dinđan lese bari radost. On radujinena pe anglo tute, sar so radujinena pe o manuša ked tano vreme asi žetva, sar so veselinena pe okola so delinena o plen . 6 Sose bijandilo amenđe o ćhavo, dobinđam e murše, kova ka ovel le vlast ano vasta. Oleso anav ka ovel Šukar Savetnik, Moćno Devel, Večno Dad, o Knez ando Mir. 7 Olesi vlast svugde ka širini pe hem o mir na ka ovel le krajo ko e Davideso presto hem ko oleso kraljevstvo. Ka ovel zoralo hem ka temeljini pe ki pravda hem ki pravednost, kotar akana pa zauvek. Odova ka ćerel i revnost ando Jehova, o Komandanti upro sa o vojske.