Jevrejima

8 Ađahar o sveti duh jasno mothovi so o drumo ko sveto than na hine phravdo đi hine o prvo šatori. 9 Odova šatori predstavini odova so postojini ko avdisutno vreme, đi pana dena pe darija hem žrtve. Ama on našti savršeno te čistinen i savest ando okova kova dela len e Devlese. 11 Ama, o Hrist alo sar prvosveštenik hem omogućinđa amenđe o blagoslovija kola akana isi amen. Ked ulo prvosveštenik khuvđa ko pobaro hem posavršeno šatori, kova na čerđe o manušikane vasta hem kova na arakhi pe ki phuv. 12 Ov jekh puti hem zauvek khuvđa ko sveto than, ama na e rateja ando jarcija hem juncija, nego pe rateja hem ađahar večno izbavinđa amen. 15 Odolese o Hrist tano posrednik ando nevo savez. Sebepi so mulo, prekali otkupnina, šaj te oslobodini e manušen ando prestupija kola hine ćerde đi pana ićerđe pe ko savez kova hine angleder, okola kas o Devel vićinđa šaj te dobinen obećanje ando večno nasledstvo. 22 Prekalo Zakon skoro sa čistini pe rateja hem bizo te ćhorel pe o rat našti te oprostini pe o greh. 24 Sose o Hrist na khuvđa ko sveto than kova tano ćerdo e manušikane vastencar, premalo odova soj tano ćaće, nego ko nebo, akana te pojavini pe anglo Devel sebepi amaro. 25 Ov na ćerđa odova te del kokri pes but putija, sar so o prvosvešteniko svako berš khuvela ko sveto than e rateja ando životinje. 26 Inače o Hrist bi valjani te merel but putija pana ando vreme ked o sveto hine stvorimo. Ama akana, ko svršetko ando akava poretko, alo jekh puti ama zauvek te cidel o greh pe žrtvaja. 28 ađahar hem o Hrist jekhvar zauvek hine dindo te šaj te akhari o grehija ando but manuša. Ked dujto puti ka pojavini pe, odova na ka ovel te bi palem cidela o greh. Tegani ka dikhen le okola kola jedva ađićerena le te šaj te dobinen o spasenje.