Psalam
27 O Jehova tano mi svetlost hem mo spasenje. Kastar te darav? O Jehova tano tvrđava ando mo životi. Anglo kaste te darav? 2 Ked o lošna manuša napadinđe man te bi mudarena man, tegani on, me protivnikija hem dušmanija, spotakninđe pe hem pelje. 3 Te avel i vojska upro mande, mo vilo na ka daral. Te aven o dušmanija te ratujinen protiv mande hem tegani ka uzdajinav man upro Devel. 4 Aso jekh molinava e Jehova, samo odova rodava, te živinav ko e Jehovaso ćher sa đi hijum đivdo, te šaj te dikhav e Jehovaso šukaripe, hem te dikhav hem hor te razmislinav ando oleso hram. 10 Čak hem ako mo dad hem mi daj ka aćhaven man, o Jehova ka prihvatini man. 13 So bi ovela mancar ked na bi verujinava so ka dikhav e Jehovaso šukaripe đi pana hijum maškaro đivde? 14 Uzdajin tut upro Jehova, ov hrabro hem to vilo nek ovel zoralo. Uzdajin tut upro Jehova.